JAMBO AMBALO LINAVURUGA MIPANGO YA WATU WENGI

Watu wengi wamekuwa wakijiuliza sana hili swali; Ndugu yangu wa damu amekataa kunisaidia, sijui nitapata wapi msaada wa kukamilisha huu mpango wangu?  Hili ni swali ambalo wengi hujiuliza pale ambapo mtu waliemtegemea anaposhindwa kuwasaidia na hufanya watu kuzunguka na kuomba ushauri kwa watu wengine. Leo nimeona nikushirikishe hili somo natumaini  litakuwa na mafanikio makubwa  katika kupanga na kutimiza mipango mingi.

                Je, ni mambo gani ambayo unatakiwa ujiandae kabla hujaanza mradi au mpango wako? Katika kufanya jambo lolote  lazima ujiandae na kukamilisha maandalizi hayo ndipo uanze jambo lenyewe;

a)      Fanya utafiti na kamilisha mahitaji yote utakayotumia katika mradi au mpango wako.

b)      Kuandaa namna ya kukabilian na changamoto zitakazojitokeza katikati ya mpango wako

c)       Kuandaa njia mbadala endapo mpango uliopo ukifeli ; (yaani kujiandaa kwaajili ya kukosa au kupata)

Maandalizi yaliyokamilika yanakupa 50% ya kufanikisha mpango wako, na utafanya mambo yako kwa mfumo na mpangilio unaotakiwa. Wengi tunashindwa kufanya maandalizi ipasavyo aidha kwa kuchelewa kufanya, kutokufanya au kufanya nusunusu.

                Katika kupanga na kufanya maandalizi ya mahitaji na mpango mzima  kuna jambo moja ambalo wengi linatufanya tusifanikiwe katika malengo yetu, nalo ni KUTEGEMEA MTU. Sylvia Plath mwandishi wa mashairi wa Marekani aliwahi kusema “If you expect nothing from anybody you are never disappointed” (kama hutegemei kitu kutoka kwa mtu yeyote huwezi kukatishwa tamaa). Kukata tamaa hutokana jambo kufanyika au kutokea au kupata kitu tofauti na ulivyotarajia au ulivopanga.

Watu wengi wanaweka malengo lakini katika kuanda mahitaji ya mradi au mpango wao wanategemea mtu Fulani atawasaidia baadhi ya mahitaji yao ili kuendesha mradi, pale mtu unaemtegemea katika lengo lako akipatwa na tatizo au kushindwa kutekeleza mradi au mpango wako mzima unatetereka na huwezi hata njia mbadala.

                Mda mwingine mtu unaemtegemea hujikweza na kujifanya mfalme au bosi wako, hivyo kukupa masharti au kukunyanyasa kwa namna Fulani na kukufanya uwe mnyonge katika kukamilisha mipango yako. Hali hiyo ikijijenga akilini mwako itapunguza uwezo wako wa kujiamini na kukufanya uwe tegemezi katika mipango yako.

                Wakati mwingine unatakiwa umweleze mpango wako wote bila kuficha jambo ili umshawishi aweze kukusaidia kwa wakati. Hata mipango ile ambayo haikutakiwa watu waijue itakulazimu uwafahamishe wale unaotegemea wakusaidie

Kuweka imani yako au kumtegemea mtu kukamilisha mradi wako itakusababisha ukate tamaa endapo mtu huyo atashindwa kukamilisha hitaji lako. Mtu atakwambia “nilitaka nianzishe biashara lakini nimeenda benki nimekosa mkopo”. Hapo mtu anakata tama ya kuanzisha biashara yake na kuanza kupanga mipango mingine; kwanza amepoteza mda wa maandalizi mengine ambayo tayari ameshayafanya; Pili hajaweza kutimiza lengo lake na kushindwa kutimiza moja ya ndoto zake.

                Fikiria kama huyu mtu akiwa na kila kitu amekiandaa na amejipanga kuukabili mradi au mpango wake? Mtu huyu hawezi kukatishwa tama kwakuwa kila anachokihitaji kukamilisha mpango wake amekiandaa na ana uhakika kipo.

                Unaukumbuka msemo wa Kiswahili usemao HERI KENDA SHIKA KULIKO KUMI NENDA UJE, ridhika na ulichonacho tumia ulichonacho utafanikiwa tu.