MAMBO MUHIMU KWAKO KIJANA WA LEO.

Habari, najua kama wewe ni kijana kuna wakati unafika unawaza ni njia gani utumie ili ufikie malengo yako. Kila mtu anawaza kufanikiwa kuwa na maisha mazuri kujenga familia bora kutunza wazazi wake vizuri n.k. Mafanikio ya malengo yako hayawezi kupatikana kwa kufanya jambo moja, lazima ufanye mambo mengi mazuri ili mwisho ufike mahali ambapo ulitarajia kufika. Hapa nimekuwekea baadhi ya mambo muhimu yanayoweza kuwa na mchango mkubwa katika safari yako kkuelekea kwenye mafanikio.

Upekee.

Katika dunia ya sasa yenye maendeleo na mapinduzi katika kila sekta, hakuna kazi au talanta(kipaji) ambacho kina watu wachache kila kazi au talanta ina watu wengi na ushindani mkubwa. Jambo la pekee linaloweza kukusaidia kwa sasa ni upekee, fanya kazi au talanta yako lakini kwa ubora na upekee na ubunifu wa hali ya juu kiasi kwamba utawavutia watu na kushinda ushindani uliopo. Albert Einstein aliwahi kusema “The woman who follows the crowd will usually go no further than the crowd. The woman who walks alone is likely to find herself in place no one has ever been before” (mwanamke anaefuata kundi hawezi kwenda mbali zaidi ya lile kundi. Mwanamke anaetembea pekeake anaweza kufika mahali ambapo hakuna mtu aliewahi kufika pale kabla). Ukitaka kufanikiwa kwa dunia ya sasa lazima ufike mahali ambapo mtu  mwingne hajawahi kufika, lakini ukiwa unaiga na kufuata vitu waanavyofanya watu wengine  huwezi kwenda mbali na kuwazidi wale watu unaowaiga, hivyo huwezi fikia mafanikio.Ukiwa wa pekee utang'ara katika kundi la watu wenye fani, kazi au kipaji kama chako.

Teknolojia.

Kutokana na mapinduzi ya teknolojia watu  wengi wanafikiria kwamba  huenda itafika kipindi ajira za watu zitachukuliwa na nafasi yake kuchukuliwa na teknollojia, lakini ukweli ni kwamba teknolojia haiwezi kufanya kazi bila kuwepo binadamu.Jambo la kuhofia ni kwamba  mtu ambae hatumii teknolojia nafasi yake itachukuliwa na mtu anaetumia teknolojia. Kwahiyo jitahidi kwa hali na mali kuendana au kujua teknolojia na namna unavoweza kuitumia katika fani, kazi, talanta(kipaji) na katika maisha yako ya kawaida. Teknolojia kwa kizazi cha sasa na vizazi vijavyo itaendelea kutawala katika kila sekta iwe biashara, elimu, kilimo,afya, viwanda, michezo. Teknolojia ni nyenzo nzuri sana kwaajili ya mabadiliko chanya ya kazi, kipaji, elimu  na maisha yako endapo utaamua kuitumia ipasavyo. Tumia teknolojia kung'arisha kazi yako katikati ya ushindani wa watu wanaokuzunguka.

Ushirikiano.

Katika dunia ya sasa yenye kasi ya maendeleo katika kila sekta, ushirikiano ni jambo  la muhimu. Zamani mtu alikuwa anaweza kujitenga na watu akaishi mbali ilimradi awe na mahitaji muhimu anaweza akaishi miaka akifanya shughuli zake. Lakini ulimwengu unabadilika katika kizazi cha sasa ukisikia mtu amefanikiwa kimaisha basi kuna watu ameshirikiana nao. Chagua watu wenye maono  ya mbali, wenye ndoto za maisha watakaokupa morali ya kutafuta maisha kwa nguvu na akili zako zote. Marafiki sio lazima wawe ni watu ambao wapo na wewe kwenye kazi, biashara, au fani moja, inawezekana pia ukawa na marafiki wanaofanya shughuli tofauti na wewe ilimradi mnashirikiana katika kutafuta maisha na kusaidiana katika nyakati tofauti tofauti. Marafiki ni moja ya kitu muhimu katika maisha vitu vingine ni Mwenyezi Mungu na Familia.

Muda.

Hili ni  jambo ambalo tunakumbushwa mara kwa mara kwamba muda ni mali. Katika ulimwengu wa sasa kila kitu kinaenda kasi sana  hivyo katika kupambana na maisha kumbuka kupambana na muda pia, utafika wakati wa kuoa au kuolewa au wakati ambao wale uliokuwa unawategemea (wazazi au walezi) wanakuwa tegemezi kwako, majukumu yanaongezeka wakati huo malengo yako hayajatimia lazima ukwame. Kwahiyo kuendana na majira na wakati pia ni jambo la muhimu sana katika maisha ya leo. Ukiweza kujua na ukafanya kila jambo kwa wakati wake utaona namna malengo yako yanaendana.

Kujifunza.

Kujifunza sio kusoma pekee, katika suala la kujifunza kuna namna nyingi za kujifunza wengi wetu tunajali zaidi kujifunza kupitia taasisi za elimu au kwa watu waliofanikiwa. Lakini unaweza kujifunza kwa rafiki, wasiliana na rafiki yako  muulize “jambo Fulani wewe huwa unatumia njia ipi kulifanya na unatumia muda gani?” akikujibu linganisha na namna wewe unavofanya angalia njia ipi ni rahisi inayotumia muda mfupi na kuleta matunda/matokeo mazuri. Unaweza kujifunza pia kwa kutembelea mahali mbali na mazingira yako ukaona namna watu wa eneo lile namna wanavofanya shughuli zao linaganisha na namna mnavofnya katika mazingira  yako na utajifunza kitu tofauti. Tumia siku za mwisho wa wiki (weekend) kutembelea maeneo tofauti uone vijana wenzio wanatafutaje riziki. 

Tahadhari.

Katika safari yako haijalishi umbali gani umeenda katika njia isiyo sahihi, unatakiwa utafute  njia sahihi punde tu unapotambua kuwa unapotea. Tahadhari ni jambo la muhimu sana katika maisha linakufanya unakuwa makini katikka kila jambo unalofanya. Dunia kwa sasa kutokana na utandawazi kikla jambo linaenda kwa kasi sana ukifikiria kufanya jambo hakikisha unalifanya kwa wakati, ukifikiria wazo zuri au  fursa mpya ukabaki nayo kichwani keshokkutwa utakuta kuna mtu ameshatumia hiyo fursa na ameshasogeza hatua mbele. Pia ukiona azu kusikia fursa Fulani ina faida kubwa ifanye kwa tahadhari kwa kuangalia mbeleni, unaweza kuona leo kitu Fulani kinaweza kukupa faida au kukusogeza kimaisha lakini kutokana na maisha yanavoenda kasi kesho hilo jambo azu fursa ikawa imepitwa na wakati. Hivyo ni muhimu kuchukua tahadhari mapema, ukiwa na fursa zaidi ya moja jitahidi kulinganisha kwa umakini na uhakika ili kufanya jambo lenye tija mbeleni.

Napenda kukumbusha kwamba mafanikio sio jambo lialokuja haraka kulala na unaamka umefanikiwa au unafanya jambo moja unafanikiwa. Lazima ufanye mambo mengi upitie vipindi tofauti tofauti shida raha na mateso ukivumilia nyakati zote hizo mwisho utafikia malengo.