YAFAHAMU HAYA KUHUSU KUSAMEHE

Kusamehe ni kitendo cha kuondoa hasira, maumivu na hisia unazokuwa nazo baada ya kukosewa. Kila binadamu anapokosewa huona ameonewa na sio haki kile alichofanyiwa hivyo huwa na hasira na hisia za maumivu. Kila lile jambo au tendo linapojirudia akilini mwake hupata maumivu moyoni, hukosa furaha amani na hata kupata msongo wa mawazo.

Njia ya kuondokana na maumivu hasira na mawazo yote ni kusamehe. Hapa ndipo wengi huona ni jambo gumu, pale ambapo mtu amekukosea sana halafu wewe uje umsamehe kirahisi tu. Wengi huona sio haki na kuchukua uamuzi wa kulipiza kisasi. Yafahamu haya kuhusu kusamehe:-

 

1.      KUSAMEHE NI KUJIPENDA MWENYEWE

Unapotoa msamaha unaondoa hasira maumivu na mawazo yote uliyonayo juu ya Yule mtu alie kukosea, hivyo kuweka huru moyo wako na akili yako.  Kubaki na hasira, maumivu na hasira ni hasara kwako kwani huhatarisha afya yako.

2.      USISUBIRI MPAKA UOMBWE MSAMAHA

Watu wengi kusamehe mpaka waombwe msamaha, hilo halifai fikiria Yule aliekukosea asipokuomba msamaha  utaendelea kuteseka na mawazo mabaya na kutawaliwa na hasira mpaka lini?. Jambo la muhimu ni kusamehe hata kama hujaombwa msamaha maana ni faida kwako mwenyewe.

 

3.      KUSAMEHE SIO UJINGA

Mtu anaposamehe wengi hufikiria ni ujinga hasa vijana wa leo, pale mtu anapokukosea kosa kubwa halafu wanaona umemsamehe wao huona ni ujinga. Utwasikia wakisema “Ningekuwa mimi nisingemsamehe, ujinga huo” lakini ni kwasababu hawajui faida za kusamehe. Anaesamehe ana faida nyingi kuliko anaesamehewa.

4.      KUSAMEHE SIO UNYONGE

Pale inapotokea mkubwa wako amekukosea na ukamsamehe hata kabla hajakuomba msamaha, watu wengi hufikiria kuwa umemsamehe kwakuw wewe ni mnyonge kwake, jambo ambalo si sahihi. Kusamehe ni jambo la kishujaa na  ndio maana ni watu wachache wenye uwezo wa kusamehe, wengi katika nyakati za sasa hulipiza kisasii kwa kuwa ni wadhaifu mioyoni mwao (jambo wana nguvu za miili), hivyo hushindwa kusamehe.

5.      SIO LAZIMA KURUDISHA UHUSIANO WENU WA ZAMANI

Kama rafiki yako wa karibu amekusaliti kiasi cha kukuumiza moyo wako, ukimsamehe mnaweza mkarudisha urafiki wenu au msiurudishe. Pale ambapo unaona rafiki yako hatambui makosa aliyoyafanya na hana wasiwasi wala woga juu ya hilo, unaweza ukamsamehe halafu kila mtu akaishi maisha yake kwa amani.

6.      NI NJIA YA KUTAFUTA AMANI YA MOYO WAKO

Moyo wako ukiwa na msongo wa mawazo ni mateso sana kwako, hivyo samehe ili upate amani ya moyo na kuwa na utulivu akilini mwako hivyo kuendelea na kazi na mmipango yako kwa  amani na furaha.

7.      KUSAMEHE SIO JAMBO RAHISI

Kumsamehe mtu aliekukosea kunahitaji kujitoa moyoni kwani tukio huendelea kujirudia akilini mwako hivyo kurejesha kumbumbu za hasira na maumivu. Kusamehe kunahitaji utulivu wa kufikiria jambo na busara kukusaidia kutoa msamaha wa kweli.

Kusamehe ni ushujaa na ni watu wachache wenye uwezo wa kusamehe.

 

Dunia ingekuwa ni sehemu nzuri ya furaha kama kila mmoja angekuwa anasamehe, kwani matukio mengi mabaya kwa sasa ni kulipiza kisasi. Jiepushe na kutenda makosa na mtu akikukosea toa msamaha. Hiyo ni njia ya kuweka mahusiano mazuri ya kiimani katika dini

ANZA KUWA NA MAZOEA YA KUSAMEHE, MWISHO ITAKUWA NI UTARATIBU WAKO.