HATUA ZA KUTOA MSAMAHA

Kusamehe ni jambo ambao sio rahisi kulifanya hasa pale unapofikiria kuwa aliekukosea amefanya makusudi ili kukuumiza. Lakini ili usiendelee kuumia unatakiwa kufanya jambo moja nalo ni kusamehe. Wengi husamehe lakini baadae huendeleza chuki na hasira juu ya mhusika jambo ambalo sio sahihi, unapotoa msamaha unatakiwa kuondoa hasira na chuki juu ya Yule alie kukosea. Kwakuwa kusamehe ni jambo ambalo huhitaji moyo wenyewe uondoe fikra mbaya zote ulizokuwa nazo juu ya Yule mtu, unaweza kufanya yafuatayo ili uweze kusamehe.

1. ONDOKA ENEO LA TUKIO

Kama mtu amekukosea ondoka hiyo sehemu, wakati huo unakuwa na hasira hivyo ukibaki eneo la tukio unaweza kufanya maamuzi ya ajabu. Hivyo kaa mbali ili kupunguza hasira, pata utulivu kwa kufanya jambo unalolipenda mfano:- kusikiliza muziki, kutembea ufukweni au kutulia sehemu unayoona wewe utaweza kutulia.

2. FIKIRIA TUKIO LILIVOKUWA KWA UPANDE WAKO

Tuliza akili yako na ufikirie vizuri kosa kwa marefu na mapana, anza kufikiria kama kosa umelifannya wewe ungelichukuliaje. Jaribu kuchukua nafasi zote, nafasi ya mkosaji na nafasi ya aliekosewa ambayo wewe ndio mhusika mkuu ili uweze kulichambua vizuri kosa hilo.

3. FIKIRIA KUWA WEWE PIA NI MKOSAJI

Fikiria pia kuwa wewe ni mkosaji, hivyo jaribu kukumbuka makosa ambayo umewahi kuyafanya na ukasamehewa hivyo unastahili kusamehe pia. Ukilitambua hilo utaweza kuona hitaji la kumsamehe mkosaji.

Baada ya hapo utaweza kuondoa kinyongo juu ya mkosaji na utatoa msamaha na kuwa ni amani.